Қазақстанның мемлекеттік мүлкі енді Tapsyru маркетплейсінде көрсетіледі

ОКҚ алаңында өткен баспасөз мәслихатында ҚР қаржы вице-министрі Әсет Тұрысов ведомство жүзеге асырып жатқан цифрлық жобалар туралы айтты.

, Profit.kz
Рубрики: Qazaq IT

Атап айтқанда, «Тауарлардың ұлттық каталогы» мемлекеттік деректер базасы құрылуда. Оған қазірдің өзінде 15 млн тауар енгізіліп, ел бойынша бірнеше сауда желісі қосылды. Спикер қазір мемлекеттік сатып алу, кеден, статистика, чектер және электрондық шот-фактуралар саласында көптеген түрлі анықтамалық қолданылатынын атап өтті. Бұл қайталануға, сәйкессіздіктерге әкеледі және тауарларды есепке алуды қиындатады. Бұл мәселені шешу үшін барлық анықтамалықты біртұтас жүйеге біріктіретін мемлекеттік дерекқор әзірленуде.

«Бүгінгі таңда „Анвар“, „Magnum“, „Small“ сауда желілері бізбен пилоттық режимде жұмыс істеуде. Әр чекте тауардың атауы және оны өндіруші пайда болады. Деректер базасына 15 млн тауар енгізілді. Жыл соңына дейін тауарлар санын көбейтуді жоспарлап отырмыз. Біз барлық саланы қамтымақпыз. Сонымен, ашықтықты қамтамасыз етіп, бағаларды талдай аламыз. Каталогты модерациялау кезінде жасанды интеллектіні қолданамыз», — деп түсіндірді Әсет Тұрысов.

Кеден саласында «Keden» ақпараттық жүйесі енгізілуде, ол бұрын қолданыста болған «Астана-1», Бірыңғай терезе мен ТАИС ақпараттық жүйелерін алмастырады. Қазір 49 интеграция іске асырылды, 357 мың кедендік декларация шығарылды. Мемлекеттік қолдау шараларының барлығы «Baqylauda» ақпараттық жүйесіне біріктіріледі.

Әсет Тұрысовтың айтуынша, бұрын елде мұндай тізілім болмаған. Енді «Даму»-дан бастап ауыл шаруашылығы саласындағы жобаларға дейінгі барлық институт жаңа жүйеге біріктіріледі. Болашақта бюджетті мемлекеттік жоспарлау кезінде мемлекеттік қолдаудың қандай да бір шарасының тиімділігі ескеріледі. Сонымен қатар Қаржы министрлігі Tapsyru мемлекеттік мүлік маркетплейсін іске қосты.

«Елде мемлекеттік мүлік өте көп. Кейде мемлекеттік органдар кейбір мемлекеттік мүлік туралы тіптен білмеген. Сондықтан біз оларды цифрландырдық. Бұл — 20 млн нысан. Егер белгілі бір ғимарат қажет болса, оны сатып алуға болмайды, бірақ басқа мемлекеттік орган босатқан нысанды ұсынуға болады. Мемлекеттік органдардың өкілдері де сайтқа кіріп, мүлікті бақылай алады. Егер қандай да бір мемлекеттік органда жеке мүлкі болса немесе аукционға қойылған болса, мемлекеттік орган оны өзіне алып, электрондық форматта теңгерімге қоя алады. Сондай-ақ біз мемлекеттік мүлікті қолданудың тиімділігін көрсететін ЖИ мүмкіндіктерін пайдалануды жоспарлап отырмыз», — деп толықтырды Әсет Тұрысов.

Подписывайтесь на каналы Profit.kz в Facebook и Telegram.

Свежие новости

Статьи

Последние фоторепортажи

  • Profit Education Day 2026

    Profit Education Day 2026

    Фоторепортаж с конференции Profit Education Day 2026, посвященной цифровизации образования в Казахстане.

  • Check Point Advantage Astana 2026

    Check Point Advantage Astana 2026

    Фоторепортаж с конференции по информационной безопасности Check Point Advantage в Казахстане.

  • Profit Industry & Energy Day 2026

    Profit Industry & Energy Day 2026

    Фоторепортаж с конференции Profit Industry & Energy Day 2026, посвященной цифровизации промышленности и энергетики в Казахстане.

  • Profit Contact Day 2026

    Profit Contact Day 2026

    Фоторепортаж с конференции Profit Contact Day 2026, посвященной автоматизации контакт-центров и управлению клиентским оаытом в Казахстане.

  • Profit Retail & Finance Day 2026

    Profit Retail & Finance Day 2026

    Фоторепортаж с конференции Profit Retail & Finance Day 2026, посвященной цифровизации ритейла, ТРЦ, банков и финсектора в Казахстане.