Қазақстанда жасанды интеллект базасында алғашқы тегін заң көмекшісі іске қосылды
Е. А. Бөкетов атындағы Қарағанды университеті ItByDesign компаниясының IT-мамандарының командасымен бірлесіп LegalExpert.kz атты еліміздегі алғашқы тегін заңгерлік онлайн-сервисті іске қосты.
Жасанды интеллект базасындағы жүйе құқықтық мәселелерді нақты уақыт режимінде шешуге көмектеседі: жұмыс берушімен болған әдеттегі проблемалардан бастап, азаматтық, әкімшілік немесе қылмыстық құқық саласындағы неғұрлым күрделі жағдайларға дейін, деп хабарлайды Қарағанды облысының әкімдігі.
LegalExpert.kz-те жұмыс істеу оңай. Пайдаланушы сайтқа кіріп, электрондық пошта арқылы тіркеліп, өз сұрағын еркін түрде қояды. ЖИ сұрауды талдайды, қажет болған жағдайда нақтылау сұрақтарын қояды және екі минуттың ішінде қадамдық нұсқаулықты, заңдарға сілтемелерді, сот шешімдерінің мысалдарын, тіпті істің ықтимал нәтижелерінің болжамын береді. Сервис қазақ және орыс тілдерінде жұмыс істейді, ал мәтіндер пайдаланушының құқықтық сауаттылығы деңгейіне бейімделген.
LegalExpert, әрине, толыққанды заң көмегін алмастырмайды, бірақ бүкіл ел бойынша заңгерлерге күн сайын келіп түсетін жиі кездесетін сауалдарға жауап береді.
«Заңгерлерге жүгінудің 70%-дан астамы — жалақы төлемеу, ажырасу, алимент, жұмыс берушілермен және мемлекеттік органдармен дау. Біз 100 мыңнан астам сот шешімін талдадық және мұндай жағдайларда тегін және тез көмектесетін жүйе құрдық. Енді әрбір қазақстандықтың кез келген құрылғыдан: смартфоннан, планшеттен немесе компьютерден қол жетімді заңды көмекшісі бар», — дейді жоба авторларының бірі — Е. А. Бөкетов атындағы Қарағанды университетінің профессоры Лариса Құсайынова.
LegalExpert.kz заңдарды түсінікті тілге «аударып» қана қоймай, сотта осындай істердің қалай жүргізілгенін, қандай құжаттар қажет болатынын, қандай тәуекелдер болуы мүмкін екенін айта алады.
Сервис Қарағанды облысында пилоттық режимде іске қосылды, сондай-ақ Қазақстанның барлық тұрғындары үшін қолжетімді –ол үшін Legalexpert.kz сайтында тіркелу қажет.
Похожие материалы
Свежие новости
Статьи
Последние фоторепортажи
-
Profit Education Day 2026
Фоторепортаж с конференции Profit Education Day 2026, посвященной цифровизации образования в Казахстане.
-
Check Point Advantage Astana 2026
Фоторепортаж с конференции по информационной безопасности Check Point Advantage в Казахстане.
-
Profit Industry & Energy Day 2026
Фоторепортаж с конференции Profit Industry & Energy Day 2026, посвященной цифровизации промышленности и энергетики в Казахстане.
-
Profit Contact Day 2026
Фоторепортаж с конференции Profit Contact Day 2026, посвященной автоматизации контакт-центров и управлению клиентским оаытом в Казахстане.
-
Profit Retail & Finance Day 2026
Фоторепортаж с конференции Profit Retail & Finance Day 2026, посвященной цифровизации ритейла, ТРЦ, банков и финсектора в Казахстане.